وەڵام دانەوەی بانگبێژ

أغسطس 23, 2022

 1-بانگبێژ هەرچییەكی ووت تۆش دەیڵێیتەوە جگە لە ووتنی:  ((حَيَّ عَلَى الصَّلاة _ حَيَّ عَلَى الفَلاح)) كە دەبێ‌ بڵێی:(( لا حَولَ وَلا قوةَ إلاّ بالله)). (هەر كەس ئاوا بە خالص و بێ‌ ڕییایی لە دڵییەوە بیڵێ‌ دەچێتە بەهەشتەوە). البخاري 1/152 برقم(611) ومسلم 1/288 برقم(383).

 تێبینی(1): هەندێك جار لە جیاتی وتنەوەی دوو ڕستەی شایەتومان ئەتوانێت بڵێت: (وَانا، وَأنا) واتە: منیش هەروا دەڵێم، چونكە پێغەمبەری خوا(صلى الله عليه وسلم) وای كردووە. أبوداود(526) واللفظ له وابن حبان في صحيحه والحاكم وقال: صحيح الإسناد، وصحَّحه الألباني في صحيح الجامع(4742).

تێبینی(2): پێشنوێژ(ئیمام) لەسەر مینبەر ڕۆژی جومعە وەڵامی بانگبێژ ئەداتەوە، وە ئەتوانێت كە گەیشتە (أشهد ان لا اله الا الله)و(اشهد ان محمدا رسول الله) بڵێت: (وَأنا)، چونكە پێغەمبەری خوا(صلى الله عليه وسلم) وای كردووە. أخرجه البخاري 2/326 برقم(914) بَاب يُجِيبُ الْإِمَامُ عَلَى الْمِنْبَرِ إِذَا سَمِعَ النِّدَاءَ.

 2- وە بڵێ‌: ((وَأنا أشهَدُ أن لا إله إلا اللهُ وَحدَهُ لا شَريكَ لهُ، وَ أنَّ مُحَمَّداً عَبدُهُ وَرَسولُهُ، رَضيتُ باللهِ ربّاً، وَ بِمُحمّدٍ رَسولاً، وَبِالإسلامِ ديناً)). (هەركەسێ‌ كە گوێی لە بانگبێژ بوو بیڵێ‌ ئەوا خوای گەورە لە گوناهەكانی  خۆش دەبێ‌). مسلم 1/290 برقم(386).

 ئەمە دوای شایەتمانی بانگبێژ دەوترێت. ابن خزيمة 1/220 برقم(422)، ورواه أبو عوانة في مستخرجه، انظر تصحيح الدعاء للشيخ بكر أبو زيد.ص371.

 تێبینی: شێخ ئەلبانی(ڕەحمەتی خوای لێ‌ بێت) فەرمویەتی: (دروست نییە هیچ ووشەیەك زیاد بكرێت لە بانگەكەدا تەنها لە دوو كاتدا نەبێت:

یەكەم: تەنهاو بە تایبەت لە بانگی یەكەمی بەیانیاندا دوای وتنی(حی علی الفلاح) دەڵێت: (الصلاة خير من النوم، الصلاة خير من النوم)دوو جار.........

وە جێگای دووەمیش: ئەگەر زۆر سەرما بوو یان باران بوو دوای (حی علی الفلاح) یان دوای تەواو بوون لە بانگەكە ئەمەی بۆ زیاد دەكات: (صلّوا فی الرّحال) واتە نوێژەكانتان لە جێگاكانی خۆتان بكەن، یان دەڵێت: (ومن قعد فلا حرج علیه). واتە: هەركەسێك دانیشێت و نەیەت گوناهی ناگات. الثمر المستطاب (1/129-133)

زیکرەکە بە دەنگ

بەشداربە

بابەتی هاوشێوە